Jæja, þá er sumarið amk komið aftur hingað í Svíþjóðina, einhverstaðar á milli 20-25° og sól, ekki mikið sem maður getur kvartað yfir því og á bara að vera svona gott verður alveg eins langt og spár ná, því hálfsvekkjandi að vera að fara að vinna alla næstu viku, en en, einhvern pening verður maður víst að fá. Keppni núna í Helsinborg um helgina, 200m og vonandi svo líka A eða B úrslit í því og svo 400m á sunnudaginn þannig að eins og áður eru góðar og hraðar hugsanir vel þegnar ;) Annars komu Fanney systir, Kristinn og Bjarmi hingað til mín á miðvikudagskvöldið, hrikastemning í því, svona fyrir utan að ég verð í burtu alla helgina og að vinna í næstu viku, en höfum amk getað verslað aðeins núna í 2 daga og já, ég held ég hafi staðið mig eins og hetja í fata- og skóinnkaupunum, enda komin góð þörf á endurnýjun í þessu öllu. En jæja, farinn til Helsingborgar... góða helgi

Horfði á White men can't jump í fyrradag og var það nú bara í fyrsta skiptið sem ég sé þessa mynd, laumast einhver hundruða mynda svona inn á milli sem flestir eru búnir að sjá en samt ekki ég, er að standa mig eins og hetja í þessu öllu. En mér fannst hún bara helvíti fín en vill samt þakka guði fyrir að fatatískan sé búin að breytast síðan þá, nottla bara alveg snilldarfatnaður í myndinni :) En góður dagur á morgun, byrjar á því að hann Ari litli ætlar að kíkja hingað í bæinn og er ég víst búinn að lofa að fylgja með honum í búðarráp svo að greyið fari sér nú ekki af voða, enga aldrei hægt að treysta því að svona litlir menn hagi sér almennilega í almenningi. En hann Ari er nú víst að fara að yfirgefa Svíþjóðina og á leið aftur á klakann til að eyðileggja öll símakerfi sem á hans vegi verða. En ekki nóg með það að Ari komi heldur er systir mín með fjölskylduna sína líka á leiðinni hingað annað kvöld og verða hjá mér í einhverja 10 daga og ætla að reyna að tæma flestar fatabúðirnar hérna í bænum, stóðu sig alveg eins og hetjur í fyrra og efa stórlega að það verði verri árangur í ár, reyndar verð ég gestgjafi góður og sting af um helgina þegar ég fer að keppa í Helsingborg og verð þar frá föstudegi til mánudags, magnaður skítur það. Mýgandi rigning var úti í gær og var því hálf þakklátur fyrir því að slottskogsvallen var lokaður útaf tartanlagningu, og hljóp ég því mína 150m-300m-300m-150m inni sem... já.... æi..... langt síðan ég hljóp inni og því fínt að skíta alveg á sig í hlaupunum, 2 fyrstu voru algjör hörmung en var aðeins betra 2 seinni (tæknilega séð, alveg sama um helvítis tímana) og endaði þetta á 16.6 - 36.8 - 36.2 - 16.9, en ætli þetta þýði þá ekki bara að ég hlaupi vel um helgina?!?

Jæja, ekki fór nú eins og planað var hjá greyið Svíjunum í boltanum um helgina og því urðu engin handahlaup eða önnur vitleysa, sem er jú kanski ágætt þar sem að ég held að þjálfarinn minn geti ekki tekið á móti fleirum heimskum meiðslum af minni hálfu.... já förum ekki nánar út í þau öll ;) En já, midsommarhelgin er þá búin og var þessi helgi reyndar aðeins frábrugðnari síðustu helgum hjá mér að því leyti að það er ótrúlega langt síðann ég hef slappað jafn mikið af og stóð því mig eins og hetja út alla slappa af vikuna mína, en stærstu 2 afrekin um helgina var að rölta til Groten og horfa þar á þennann hörmungarleik og svo að taka létta æfingu í gær, en annars fór þetta bara allt samann í það að kynnast sófanum sjónvarpinu og tölvunni betur og það sem er liðið af sumrinu að þá er þetta orðið alveg mjög stabílt relationship. En svo á sumarið bara að koma held ég aftur núna í vikunni, hitinn yfir 20° og sólin skína og vona bara að það verði svoleiðis næstu helgi þar sem ég ætla til Helsingborgar og keppa þar, sleppi því Grand Prix mótinu á mánudaginn n.k. þar sem ég ætti að fá alveg fína keppni í 400m í Helsingborg og langar alveg ótrúlega að hlaupa annað 200m hlaup eftir þetta eigi góða hlaup útí Slóvakíu.. En núna á miðvikudaginn koma svo Fanney systir, Kristinn kærasti hennar og litli snillingurinn hann Bjarmi í heimsókn og mun ég hafa einhverja 10 daga til að skemma uppeldið á honum og mun nota þessa 10 daga virkilega vel :) múhahahaha

Núna um helgina er Midsommar hérna í Svíþjóðinni en midsommar er svona það sem kemst sennilega næst Verslunarmannahelginni heima á Íslandi, fólk fer og leigir sér bústaði, sumir tjalda og gera svo gott djamm úr þessu öllu. Nema ég.... En ég ætla bara að taka þessa helgi alveg dúndrandi rólega með kaffi, pönnukökum og HM í fótbolta, enda margt og mikið að gerast þar í bæ, Svíjar spila á móti Þýskurunum í dag og yrði svo ótrúlega gamann ef þeir myndu vinna mótshaldarana, ekki frá því að ég taki handahlaup ef það gerist. En frábæra sumarið sem var hérna áður en ég fór til Slóvakíu hefur sennilega týnst einhverstaðar þar sem að sólin hefur varla sést núna í tæpa viku og rigningin verið í heldur miklum meirihluta, meira að segja mýgandi hagléla rigning í gær.... eða var það í fyrradag, rigndi amk báða dagana. En ótrúlega er leiðinlegt að taka rólega æfingaviku, var reyndar algjört mösst að fá eina núna en ég er samt bara alveg ekki að fýla það, æfa lítið og létt, hvíla mikið og þá fara lappirnar bara fjandans til, eitthvað alltof mjúkar og slappar núna, en tek tonus æfingu á morgun og spretti á mánudaginn, verður sweet, já og mót um næstu helgi. Svo er líka nottla málið að þegar maður hefur ekkert að gera.... að þá hefur maður eitthvað voðalega lítið til að blogga um...

Alltaf gamann að röfla yfir mbl.is er þaggi? Finnst alveg merkilegt yfir HM núna að íþróttafréttunum er skipt í 4 flokka: - Fótbolti - Golf - Formúlan - Annað Í Fótboltann fer fótbolti, goflið í golf, formúlan fær að vera í formúlunni og allt annað + HM fer í annað, og eins og flestir hafa ábyggilega tekið eftir sem fara eitthvað inn á mbl.is að þá er alveg góður slatti af HM fréttum þar þannig að allar íþróttafréttir sem falla í annað hlutann endast kanski þar í 5mínútur því að þá eru komnar 10 nýjar HM fréttir inn þar og hvergi svo hægt að sjá þetta aftur, og eins og staðan er núna að þá eru þar 17 HM fréttir og 3 aðrar, þar af ein formúlufrétt?!?!?!

Held ég verði seint toppaður í eldamennskunni. Var að gera mér smá kvöldmat áðann, voðalega fínt hakk í þessari fínu sósu, krossade Tomater, hvítum baunum, maiskornum, lauk og fínu stöffi og svo var bara að krydda þetta. Setti smá chillipipar oní þetta, tók svo svarta piparinn og stráði svona vel yfir og byrjaði að hræra þegar þessi skringilega lykt kom uppúr pottinum, KANELLYKT, fattaði þá að Kanelbaukurinn var við hliðina á svarta piparsbauknum og hafði ég sumsé sett góðann slatta af kanel í staðinn fyrir piparinn... var bara svo helvíti svangur að ég bætti bara við réttum svörtum pipar í þetta og ég er að segja ykkur það, þetta er bara helvíti gott :)

Fór á létta æfingu í dag til að fá smá þreytuna eftir ferðalagið í gær úr löppunum og settist aðeins niður með Palmas þjálfara og ræddum um næstu vikur. Þannig að núna lýtur út fyrir að ég taki cirka 2 vikna frí frá mótum, enda búinn að keppa alveg slatta það sem liðið er af sumrinu, er mót á morgun, fimmtudag og sunnudag sem ég sleppi þá og fer þá annaðhvort á Öresundspelen í Helsingborg 1-2 júlí og hleyp þar 200m og 400m eða þá á Grand Prix mótið í Norrtelje rétt fyrir ofan Stockholm 3.julí og hleyp þar 400m, amk skráður í bæði en ætla svona aðeins að bíða með að ákveða í viku eða svo. En núna eftir smástund, Svíþjóð - England, ætlaði að fara niður í bæ og glápa á hann með nokkrum vinum mínum en er bara alls ekki að nenna út úr húsi núna, hrikalega þreyttur þrátt fyrir að hafa sofið fram yfir hádegi þannig að ég og Kebab rúllan munum bara njóta leiksins samann :)

Jæja, er þá kominn heim aftur eftir að hafa verið í Slóvakíu frá því á fimmtudaginn, bara alveg helvíti skemmtileg ferð með fullt af frábæru fólki. En taka smá ferðasögu á þetta er þaggi :) Ég og Alla fórum sumsé af stað frá Gautaborg kl. 10 á fimmtudaginn, hittum liðið í Amsterdam og flugum þaðann til Ungverjalands þaðan sem lengsta 160km rútuferð í heimi beið okkar, ef einhver getur útskýrt hvernig það er hægt að keyra 160m á 4klst að þá má hann endilega útskýra þetta fyrir mér, en bílstjórinn var amk ekkert að flýta sér neitt alveg ógeðslega mikið á leiðinni. Reyndar pínu spes að keyra þarna í Ungverjalandi og Slóvakíu þar sem að húsin eru ekki alveg beint þau fallegustu í heimi, grár frekar mikið í meirihluta þar og bílarnir... já, eftir ferðina finnst mér bara gamal Suzuki Swift vera helvíti flottur bíll bara. En komum á hótelið eftir einhverja 12-13tíma ferð, alveg ágætis hótel en starfsfólkið var ekki alveg að meika það í enskunni og svona basicly með þeim þverari hótelstaffi sem ég hef kynnst. Held líka ég hafi aldrei komið í land með jafn mikið af frjókornum í loftinu og þakka fyrir að vera ekki með ofnæmi fyrir því, liggur við að tyggjóið manns hafi verið orðið loðið eftir smá labbitúr úti, en hitinn var bara fínn allann tímann og veðrið bara snilld, alltaf kringum 30°C og sól NEMA alla upphitunina mína fyrir 400m á laugardeginum því að þá byrjaði bara þetta ljómandi fína þrumuveður og mýgandi rigning og hélst það svoleiðis alveg þangað til ég fór í nafnakallið en þá stytti upp en brautin alveg rennandi blaut. Hljóp alveg ágætis 400m hlaup, 49.96, en finnst ennþá eins og ég eigi að geta gert mun betur, en jákvætt að fá 2 hlaup í röð undir 50s. Endaði í 6:a sæti þar með 49.4 og 49.2 menn fyrir framann mig sem hefði verið gamann að taka í fullkomnu hlaupi, en Evrópumeistarinn innanhús frá Írlandi vann hlaupið eftir baráttu við Israelann (minnir mig) Hljóp svo 200m og 4x400m á sunnudeginum. 200m hlaupið vill ég bara gleyma, fyrstu 100m voru hörmung en ágætur seinni 100m, tíminn 22.87 og 7 sæti. tók síðasta sprettinn í 4x400m boðhlaupinu og fékk var frekar einn á milli 5 og 7 sætisins, keyrði vel af stað fyrstu 100-150m en sá ekki fram á að ég myndi ná honum þannig að ég ákvað að hlaupa bara afslappað restina af hlaupinu til að halda þessu sæti og keyrði svo aðeins á síðustu 100m, fékk splittið 49.4 og lítil sem engin mjólkursýra og bara góður fílingur eftir það. En svona bara ágætlega sáttu með helgina, mikið af mótum framundan þannig að nægur tími til að bæta sig. En ef maður var eitthvað að kvarta yfir ferðinni út að þá var heimferðin bara verri, svona fyrir utan að sitja með sömu röð með Dóru í fluginu frá Budapest til Köben, það var bara snilld, annaðhvort lengdum við Maggi lífið hennar um 20ár eða vorum nálægt að drepa hana, svo mikið hló konana ;) En lögðum af stað kl. 10 um morguninn og var ég kominn til Gautaborgar klukkan fokking hafið það 02:30 um nóttina eftir að hafa þurft að bíða í 3klst í Malmö eftir næturlestinni... En amk mjög skemmtileg ferð þrátt fyrir löng ferðalög báðar leiðir og alveg frábær hópur, vill bara þakka öllum sem voru með í för fyrir frábæra helgi og hitti vonandi sem flest á MÍ eftir rúmann mánuð!

Var að sjá hvernig riðillinn minn sér út í 400m á Evrópubikarnum um helgina: 400 m Country Name Firstname SB PB ISR SHAPSAI Yuriy 48.36 MDA AUZEAC Dmitri 49.50 IRL GILLICK David 45.80 45.80 SVK ZNAVA Peter 47.04 46.96 DEN JøRGENSEN Steffen 48.30 48.03 LAT ROZENTALS Martins 49.29 49.29 ISL FROSTASON Ragnar Frosti 49.91 49.91 AND DA SILVA MEIRA Maikel 52.86 52.86 Þetta verður bara gamann :)

Rjóður í vöngum og öxlum en annars bara brúnn og fallegur. Held að ég sú búinn að sólbaðast nóg núna fram að ferðinni á fimmtudaginn, en ákvað að vera ekkert alltof gáfaður í dag (já, það gerist) og skellti mér með Rafael og Alex niður á strönd í dag þar sem við lágum í einhverja 3klst og tók svo æfingu ekkert svo löngu eftir það, en drakk amk 5lítra af vatni fram að æfingunni, get glatt mig yfir því... víííí. Var því frekar seigur í löppunum í dag og fékk ekki alveg allt að stemma í 3x2x150m æfingunni í dag, hvíld labb til baka og svo frí seríuhvíld, tímarnir allir á bilinu 16.5-16.9 nema síðasti sem var á 17.3, góður fílingur samt eftir þetta, engin spes mikil mjólkursýra samt né vanlíðan, komst bara ekki hraðar, þannig að maður hefur verið að finna vel í löppunum núna hvað erfiðu æfingarnar í vetur eru að gefa mikið, vel sáttur við það. Verður svo einhver lyftingar og hoppæfing á morgun auk þess að setjast aðeins niður með Coach Palmas og plana eitthvað fínt fyrir 400m um helgina, en er orðinn alveg hrikalega spenntur að hlaupa það.... hratt... Spá í að kíkja í smá búðarráp á morgun, er komin með alveg voðalega þörf á einhverju sumarglingri þannig að fínt að nýta tímann aðeins í það áður en ég þarf að pakka og vjézenast smá, en þarf víst að klára það á morgun þar sem að maður leggur af stað alltof snemma á fimmtudaginn og gæti orðið smá stress að byrja að pakka þá...... eða??

Alveg magnaður sunnudagur, frábært veður úti, 25° og glaðasólskin og svo nóg af íþróttum í imbanum eftir kl. 3 í dag þannig að ég eyddi morgninum í sólbað og tók létta æfingu, maður verður víst að reyna að halda brúnkunni við en eins geðveikislega og það hljómar að þá var ég vaknaður klukkan hálfátta í morgun og hreinlega gat ekki sofnað aftur þrátt fyrir að hafa sofnað uppúr 1 leytið í gærnótt, já farið að verða hálf óþolandi að geta ekki nýtt þessa sofa út daga almennilega.. En horfði svo í dag á 3 HM leiki, handboltann þar sem Ísland rúllaði yfir Svíjana og svo á Grand Prix mótið í Englandi þar sem Asafa jafnaði heimsmetið sitt og Gatlins, 9.77 og djöfulli leit þetta vel út hjá honum, dippaði ekki eða neitt þannig að í fullkomnu hlaupi hjá honum held ég að 7.7LOW sé alveg mjög góður möguleiki. Líka gamann að sjá Dwain Chambers aftur á brautinni eftir bannið, var alltaf í miklu uppáhaldi hjá mér áður en upp komst um hann, en vonandi að hann komist aftur í gang, hreinn í þetta sinn, sjáum til. En alveg óþolandi heitt samt hjá mér núna, glugginn búinn að vera opinn í allann dag, lokaði honum rétt áðann og var nálægt því að kafna 5mín síðar þannig að það er allt opið aftur og ef ég blogga ekkert næstu daga að þá hef ég dáið úr hita í nótt og má þá vinsamlegast einhver koma og ná í líkið mitt áður en nágrannarnir fara að kvarta yfir lyktinni. Svo aðeins farinn að spá í mótunum eftir EBikar, get hlaupið 100m og 200m á miðvikudeginum og svo verður kanski 150m og 300m á fimmtudeginum á öðru móti, svo aftur amk 200m, kanski 100m á sunnudeginum, spurning hvað af þessu maður tekur, ekki mikið af 400m núna út mánuðinn en ætti að geta hlaupið alveg allnokkur í júlí þannig að fínt að testa aðeins hraðann núna fyrir það svo maður viti hve hratt maður á að opna fyrstu 200m í næsta 400m.

Hljóp í dag mitt fyrsta (svo ég muni) 200m hlaup utanhús á rafmagnstíma og bara alveg sáttur með það, 22.70 í +1.1 vindi og vann hlaupið. Frábært veður, smá gola og á milli 20-25° og glaðasólskyn. Var reyndar hálfslappur fyrstu 50m en náði mér vel á skrið inn á beina kaflann og hljóp fram úr strákunum á ytri brautunum eftir svona 120-130m og vann hlaupið örugglega, næsti maður á 23.03. Reyndar kominn alveg með nóg af því að bíða í dag, í lestinni upp í Borås (þar sem ég keppti í dag) bilaði lestin og stoppuðum 2x á leiðinni vekna tæknilegra vandamála og tók því ferðin um 40mínútur lengri en hún átti að gera, lagði sem betur fer snemma af stað. Fann ekki strætó sem fór niður á völl þannig að ég rölti bara þangað, var aðeins lengra en ég hélt og tók cirka 30mínútur. Svo á leiðinni heim var eitthvað bilað í sporvögnunum þar sem ég var og þurfti því að bíða í rúmlega 30mínútur þar áður en ég komst loxins heim. En núna eftir smástund, Svíþjóð - Trinidad & Tobako

Alveg ótrúlegt, þegar maður nennir, hvað sé hægt að koma miklu frá sér, búinn að fiffa með alveg milljón smáatriði á síðunni minni (aðallega log-in dæminu) þannig að ég er bara alveg að fara að verða drullusáttur með svona heildarmyndin, auk þess sem ég breytti aðeins í gæðunum á myndunum sem ég uploada framvegis inn á myndasíðuna, og núna er allt thumbnail dæmið þar komið í 100x100px form, sama hvort að myndin sé lengri á breidd og hæð en verður samt ekki teygð, takk fyrir cropp dæmið og miklu meira smádót sem gerir mér auðveldar með vinnuna. Bara koma einhverjum hluta síðunnar yfir á sænsku og þá ættu allir að vera sáttir :) Kom mér svo líka aðeins út í góða veðrið (einhverstaðar í kringum/yfir 20°) og rölti niður í bæ og keypti 2 hlýrarboli, mösst að eiga svoleiðis að sumri til, ástamt því að þvo þvott, horfa á Ice Age 2 og veit ekki hvað eina.. Já maður á þetta nú til. Svo HM byrjað þannig að maður verður nú að reyna að fylgjast eitthvað með því, verður að sjálfsögðu hejað á Sverige. En best að koma sér að horfa á frjálsíþróttamót í imbanum, frábært með hvað þeir eru duglegir að sýna frá alþjóðlegum mótum hérna, og undirbúa sig aðeins undir 200m á morgun :)

Jæja, fékk að vita í dag að ég keppi með landsliðinu á Evrópubikar í Slóvakíu um næstu helgi í 400m og 4x400m, fyrsta skiptið þar sem ég er valinn og er ómeiddur (7-9-13) og get keppt með, alltaf gamann að því... Tók því daginn hátíðlegann og rakaði mig. Já og lagaði aðeins meira í myndasíðunni þegar maður er að flakka á milli mynda, virkar því miður ekki 100% í IE, smá transparancy stöff sem ég reyni að fixa næstu daga, en að sjálfögðu ef þú ert að lesa þetta í IE, fáðu þér Firefox!!

las einhverstaðar áðann að sumarið væri alveg á næsta leiti og á hitinn að fara uppí 25° um helgina og gæti farið uppí 30° einhverstaðar hérna eftir helgina. Ekki kvarta ég yfir því... En afhverju finnst mér alveg eins og það eigi að vera "h" í kvarta, hvarta, nema að það meikar bara engann sens þegar maður skrifar þaðk spurning að fara að skella sér bráðum í smá grunnskóla íslensku námskeið, fínt að læra aftur hvar ý og í eiga að vera!! En alveg var þessi afslappaði gera-ekki-neitt dagur eyðilagður fyrir mér í morgun þegar vinnann hringdi í mig og spurði hvort ég væri ekki til að vinna í dag, var svo sendur út í rassgat. Fínt reyndar að vinna sér inn smáaura í staðinn fyrir að skoða vefsíðurnar 500 sinnum, drekka kaffi og bora í nefið, þó að það sé alltaf jafn þægilegt, en er reyndar alveg dottinn úr standa úthaldinu mínu því að ég er bara alveg búinn í löppunum, fínt að það var bara létt æfing í dag. Horfði á Underworld í gærkvöldi og alveg spurning að glápa á Underworld Evolution bara í kvöld, er einhvernveginn búinn að vera í fínum vampírufíling síðustu daga. Og mig vantar meira af nýrri tónlist í tölvuna mína!!

var alltíeinu að muna eftir því núna að það er þjóðhátíðardagur Svíja í dag, annað skiptið sem það er rauður dagur, greinilega fagnað honum svona rosalega mikið að hann fór næstum framhjá mér, enda veit nú held ég enginn hverju á að fagna og afhverju þessi dagur er þjóðhátiðardagur en ekki einhver annar. En amk fínt þjóðhátiðarveður í dag, í tölvunni minni stendur 15°C og rigning en út um gluggann er alveg sæmilega mikið hlýrra, ekki ský á himni og því glaðasólskin og var ví hægt að æfa ber að ofann í dag, í annað sinn hérna í Svíþjóðinni í sumar. Tók bara alveg fína æfingu í dag þrátt fyrir daprann fýling í löppunum fyrir í upphituninni, en var eitthvað alveg voðalega seigur eitthvað og 150m-300m-300m-150m á dagskrá með frjálsri hvíld. Reyndar eftir 150m-300m komumst við að því að það átti að loka vellinum eftir smástund þannig að við breyttum þessu bara í 150m-300m-200m, hvíldirnar urðu cirka 15mín og 10-15mín og tímarnir : 16.2 - 35.7 - 22.7 þar sem ég átti að negla á 150m og 200m en hlaupa 300m eins og fyrstu 300m í 400m. Leit bara allt alveg ljómandi vel út og fílingurinn alveg í botni, dauðlangar alveg að hlaupa 400m núna um helgina en held að það sé bara hreinlega skynsamlegra að taka 200m í staðinn og fá loxins tíma undir 23s.

Búinn að vera að fiffa og piffa aðeins hérna á síðunni með fullt af litlum smáatriðum, svona drasl sem maður hefur alltíeinu gífurlega mikinn tíma til að koma loxins í verk, commentkerfið fékk smá uppfærslu útaf spami sem var farið að koma inn á það og auk þess sem ég uppfærði smá á myndasíðudótinu, svona dót sem kanski enginn tekur eftir en mér finnst alveg miklu mun betra, núna hægt að komast aftur inn á "myndir" linkinn þó að maður sé inni í einhverju albúmi auk þess sem maður getur núna flett fram og til baka á milli mynda þegar maður hefur smellt á eina. Amk sef ég betur núna. Annars bara helvíti rólegur og fínn dagur í gær sem endaði með því að fara heim til Dennis og kíkja á íbúðina þar sem hann flutti inn á laugardaginn, elduðum okkur svo tacos og horfðum á X-Men, er því loxins búinn að sjá þær allar, í kvöld hittist svo allur æfingahópurinn heima hjá Rebeccu og Marcus og borðum samann og fíflumst eitthvað, engin æfing þannig að fínt að gera amk eitthvað. Var svo akkúrat bara verið að hringja í mig frá vinnunni og þarf ég því að vinna eitthvað aðeins í dag, ágætt að hafa farið svona snemma á fætur, samt einhvernveginn engann veginn að nenna að vera að fara að vinna, farinn að fýla vel þetta gera-ekki-neitt-nema-æfa líf sem ég er búinn að vera að lifa hérna en þar sem ég hvorki skít peningum né á peningatré að þá verður maður víst að láta sig hafa það að vinna smá.

Ofboðslega ánægður núna... En hljóp áðann 400m hlaup á Sävedalspelen á svona pínu sérstökum velli, 380m (því byrjað aðeins "framar" en venjulega) þannig að beygjurnar eru xtra þröngar og því ekki alveg óskandi að fá brautir 1-3, og lenti ég að sjálfsögðu á annarri brautinni, vorum 3stk og hinir 2 á braut 3 og 4. vindurinn var búinn að vera á bilinu 2-6m/s = mótvindur á milli 50m og 200m og bara planið að ná góðum léttum en samt hröðum fyrstu 200m og reyna að nýta meðvindinn síðustu 150m. Var kominn framúr báðum strákunum eftir tæpa 100m, splittaði 200m á 23.8, 300m á 36.0, mótvindurinn tók pínu í og því smá mjólkursýra síðustu 100m, en fékk alveg ágætishvattningu síðasta spölinn og tíminn sumsé 49.91 sem mér finnst líka helvíti gott eftir 3stk 400m hlaup og eitt 100m á 8 dögum.... Planið núna að taka það sæmilega rólega með 400m og taka sennilega bara 200m næstu helgi.

Held að það sé fátt betra til að koma sér í gang fyrir mót en að fara í stúdentaveislu daginn fyrir og bæta á sig svona 5kg af feitum og góðum mat, en æfingahópurinn fór í gær til Therese sem kláraði stúdentinn í gær, alltaf gamann að hittast aðeins svona fyrir utan æfingarnar, næst verður það á mánudaginn hjá Rebecca og Marcus, matur og vonandi SingStar :) En tók það svo bara rólega í gærkvöldi og glápti á Golden League og í auglýsingahléunum á fótbolta, Svíþjóð - Chile, fékk reyndar SMS frá Önnu Betu í gær þar sem hún var uppi í stúkunni á Bislet að horfa á Golden League mótið, hefði ekkert verið leiðinlegt neitt að vera þar og sjá Thorkilsen kasta 91.5x í spjótinu, 6 lengsta kast frá upphafi held ég með þessu spjóti. En fór snemma að sofa til að taka létta æfingu núna á eftir (fer eftir 15mín, nei höfum það 10mín) og hleyp svo við 16 leytið í dag, held að það sé ekkert súperdúper riðill neitt, en málið bara að negla á þetta helvíti, 380m hringur = aðeins krappari beygjur og því bara fínt að geta þá fókuserað á sig sjálfann og hugsa ekkert um hina, negla á fyrstu 200m, fara sæmilega vel undir 36 á 300m og vera svo jafn sterkur síðustu 100m og á þriðjudaginn og þá ætti tíminn loxins að fara undir 50s.

Jæja, drattaðist loxins til að setja inn fleiri myndir inn á myndasíðuna, þeas restina frá æfingabúðunum á Spáni, mun mun mun betri gæði í þeim heldur en þeim sem ég tók á símanum mínum :) En það er bara hreinlega ekki að ganga upp hjá mér að sofa út.... neeeiii, var kominn uppí rúm klukkan 01:30 í gærkvöldi eftir að hafa kíkt með nokkrum félögum mínum í gufu fyrr um kvöldið, einmitt það sem vöðvarnir þurftu og hékk svo í tölvunni við að sortera lögin í tölvunni, var basicly allt útum allt enda mikið sótt en lítið sorterað síðustu mánuði, en þrátt fyrir það vaknaði ég klukkan 07:50 og þrátt fyrir að hafa reynt í hálftíma að þá náði ég ekki að sofna aftur.. farinn að halda að ég kunni ekki að vera í fríi. En ekki verður mikið sofið út á morgun þar sem ég fer í nudd klukkan 08:00, en búin að vera gífurlega þétt dagskrá hjá mér í dag og verður næstu daga. Hjálpaði Dennis við að flytja smádrasl í íbúðina sína í dag og máluðum við síðann slatta þar, á morgun er það nudd klukkan 08:00 og þarf síðann að finna útskriftargjöf þar sem ein stelpan sem ég er að æfa með er að útskrifast og heldur smá veislu á morgun klukkan 16:00, fyrir það þarf ég líka að þvo þvott, á laugardaginn er svo létt "tonus" æfing klukkan 10 um morguninn og hleyp svo 400m klukkan 16:00 og kíki eftir það svo í smá fest heima hjá Groten. Þannig að þétt dagskrá, gífurlega erfitt allt samann ;) livet är så bra när man har sommarlov, eller hur :)