Yeah yeah, náttúrlega bara rugl að hafa hlaup svona seint á kvöldi þegar það er ekki hlýrra en þetta úti, keppti sumsé uppí jönköping í gærkvöldi í 100m og 400m. 100m var 2 tímum á undan 400m og fengum við góða rigningu í upphituninni sem var ekki alveg vel þegin í cirka 10-12° "hita". Í stuttu máli um 100m hlaupið að þá var það á mjög góðu 400m tempói. 400m hlaupið var svo á dagskrá klukkan 21:15 og þá var bara orðið alveg skítkalt, sennilega í kringum 8-9°, en samt hrikalega góður fílingur í upphituninni en síðan fór maður bara kólnandi þegar ég beið eftir því að komast í startblokkina og var skítkalt á tánum þegar ég komst loxins í hana. En um hlaupið já, var á annari braut, ALLTOF HÆGIR fyrstu 200-250m en var hinsvegar mjög sterkur síðustu 150m og í 420m hlaupi hefði ég unnið þetta hlaup því að ég stytti bilið á milli mín og fyrsta manns um cirka 5m síðustu 70-80m. En tíminn svona ekkert til að hrópa húrra fyrir, en lítið hægt að gera með svona hægri opnun, 50.47, með 23.8 fyrstu 200m og 36.3 í gegnum 300m. En tæknilega og stíllega séð frábært hlaup. í rauninni allt sem ég gerði rétt í þessu hlaupi gerði ég vitlaust á föstudaginn og öfugt, bara ná að taka réttu bitana úr þessum 2 hlaupum og smella í eitt og þá kemur líka góður tími, nóg af hlaupum eftir í sumar og ég lítið stressaður yfir því að vera ennþá á dólinu yfir 50s, vill bara hlaupa sem mest í sumar og er að standa mig eins og hetja í því amk fyrstu vikuna :) 400m í Sävedalen hérna í nágrenninu á laugardaginn, vonumst eftir aðeins betra veðri þar heldur en á fyrstu 2 mótunum :)

Sommartider hey hey sommartider!!! Já, ég kláraði síðasta prófið í dag og er því kominn í lang, lang, langþráð sumarfrí í 3 mánuði frá skólanum, fagnaði því með því að taka létta æfingu og át svo heima hjá Groten núna áðann. En smá breyting á planinu á morgun þar sem ég verð kominn alveg vel tímanlega fyrir 400m að þá hleyp ég mjög líklega 1stk 100m hlaup þar á undan, svona til að koma sér aðeins í gírinn fyrir 400m, og kemur ekki neitt annað til greina en að bæta sig í 100m þar sem ég á bara 11.73 frá því í hittefyrra, myndi svo nú ekki skemma fyrir deginum með bætingu líka í 400m. En kemur allt í ljós á morgun

Var orðinn alveg ógeðslega þreyttur uppí skóla í gær og kominn heim uppúr 6 leytið í gærkvöldi og ákvað bara að læra ekki meira í gær, enda ómögulegt að reyna að koma einhverju inn í þreyttann haus, lá því uppí rúmi og horfði á GP mótið í Hollandi í sjónvarpinu þar sem Silja keppti og var kominn uppí rúm uppúr 11 leytið. Vaknaði ferskur og góður uppúr 10 leytið áðann (prófið byrjar klukkan 14:00) og ætla rétt að lesa yfir smá samantekt sem ég er búinn að gera en annars bara taka það rólega, búið að ganga sæmilega vel um helgina. Skellti því kaffivélinni í gang, settist niður fyrir framann tölvuna og át morgunmatinn, ætlaði svo að fá mér kaffi þegar ég tók eftir því að ég hafði gleymt að setja kaffi í kaffpokann í kaffivélinni og ekki nóg með það, heldur hafði ég bara sett vatn í kaffikönnuna en gleymt að setja það í vélina þannig að þarna stóð kaffivélin gjörsamlega á fullu við að reyna að gera kaffi úr nákvæmlega ekki neinu... Er það svona sem maður vill byrja morguninn fyrir próf?? er pínu stressaður

úúújjjjeeeee, bara einn dagur eftir og þá er maður kominn í sumarfrí sem verður alveg kengimagnað enda er ég kominn með alveg gífurlega þörf á að fá smá frí frá skólanum og geta einbeitt mér að mörgu öðru í staðinn. En ég hafði nú smá rangt fyrir mér í síðasta bloggi þegar ég talaði um næsta mót, því að næsta mót verður að sjálfsögðu í Jönköping á þriðjudaginn þar sem ég er skráður með 3ja eða 4ða besta tímann þannig að maður ætti þá líkalega að fá að hlaupa í betri riðlinum þar sem besti maður er skráður á 47.x, væri fínt að fá brautina innann við hann og negla bara á kvikindið. En kíkti í bíó í gærkvöldiá X-Men3 fyrir valinu, alveg ágætis mynd bara en ég á reyndar ennþá eftir að sjá fyrstu myndina og verður það eitt af mörgum plönunum sem ég ætla að gera eftir prófin, jájájájá, alveg nóg að gera. en læra

Jæja jæja, hljóp fyrsta mót sumarsins í gær og bara svona alveg þokkalega sáttur, tíminn 50.21, ætlaði reyndar undir 50sek í fyrsta hlaupi en var nú ekki langt frá því. Það var búið að skiptast á með rigning og smá sól allann daginn, um 10°C en samt næstum logn og þegar ég fór niður í blokkina byrjaði að mýgrigna þannig að maður kom amk ekki þurr í mark. Var á braut 6 og með einn strák á braut 7 sem ég var kominn framúr eftir tæpa 100m, alveg rosalega góður fílingur í hlaupinu fyrstu 200m sem ég splittaði á 23.6 (minnir mig) og svo í gegnum 300m á 35.8 frekar létt fannst mér en fékk þá einn af strákunum á innri brautunum við hliðina á mér og var smá fight í 30m eða þangað til ég gerði það sem ég hef verið að gera of mikið á æfingum þegar ég er að hlaupa við hliðina á einhverjum, eða eins og maður segir á góðri sænsku "jag spände bort mig", þeas fór að reyna of mikið á mig í staðinn fyrir að hlaupa bara áfram létt eins og fyrri hluta hlaupsins, og var mjög lélegt tæknilega séð síðustu 70m og kom ég 0.7s á eftir honum takk fyrir takk. En annars bara sáttur með þetta sem fyrsta hlaup, finn að ég eigi alveg nóg inni þannig að þetta verður bara skemmtilegt sumar, Mót hérna í Gautaborginni um næstu helgi þannig að fínt að sleppa amk við ferðalagið, en það varð smá stress eftir hlaupið og fór óniðurskokkaður og óteygður með taxa uppá flugvöll til að ná fluginu heim um kvöldið. En læra núna eins og vitleysingur um helgina og síðasta prófið á mánudaginn og spurning að klára þetta bara með stæl

Jæja, bara 2 dagar í fyrsta mót sumarsins og þá annað utanhúsmótið á tæpum 2 árum (ef ég tek með bikarinn í fyrra sem ég hljóp í formlaus..) Búinn að vera aðeins að vjézenast í dag með að koma mér til stokkhólms og heim aftur með sem bestum og ódýrastum hætti og endaði þetta með því að ég fer kl. 7:30 til Norrköping á morgun með liðinu mínu þar sem að kallaliðið er að keppa í forkeppni fyrir Lag-SM (svipað og bikarinn heima) og mun ég vera klappstýra þar númer eitt og ef ég væri ekki á fullu að læra fyrir próf hefði ég tekið smá tíma í að redda mér alvöru klappstýrubúning, en það verður bara að bíða betri tíma, þaðann fer ég svo með Lest til Stokkhólmar ástamt einum stráknum þar og fæ að gista hjá honum og vini hans, fínt að spara morðfjár í hótel. Keppi svo uppúr kvöldmatarleyti í 400m þar sem ég er í B-riðli með næst besta tímann þar, fyrsta mót þannig að maður setur nú engar rosalegar kröfur á það, en ætla að sjálfsögðu að bæta mig og vinna hlaupið ;) Tek svo flug heim seinna um kvöldið þar sem að það hefði verið rosalega tæpt að ná lestinni eftir hlaupið og nenni ekki að vera í einhverju stressi og verð því kominn hingað til Gautaborgar uppúr 11 leytið um kvöldið. Síðan bara læra eins og vitleysingur alla helgina og flengja þetta próf. En allir endilega að senda mér góða og jákvæða orku á föstudaginn, veitir nú ekki af henni, en hlaupið er sett á klukkan 19:25 eða 17:25 á ísl tíma.

hefur oft verið talað um að það rigni mikið í gautaborg..... ég verð bara að vera sammála, varla verið neitt annað en rigning núna í 2 vikur og bara ekkert alltof hlýtt neitt heldur, svona hálfpirrandi eftir ljómandi veðrið sem maður var í á Spáni. Tók smá æfingu í gær, 2x150m og 2x300m. 2x150m voru bara alveg hrikalega góðir í smá regni og meðvindi og var ég bara alveg helvíti hraður, en síðann kom að 300m og þá byrjaði bara að mýgrigna, svona þessi týpíska útlandarigning og drattaðist fyrsta 300m á 37.2, alltof hægur af stað og í hvíldinni byrjaði svo að koma þrumur og eldingar og rigning bara alls ekki að hætta og stytti ég því hvíldina verulega þar sem manni var bara farið að verða skítkalt og fór í startblokkina í mýgandi rigning og ekki að grínast með það að það var svona 1cm þykkt lag af vatni á verstu stöðunum (ma við startblokkina) og held ég hafi náð að hlaupa minn lélegasta sprett lengi og fékk sem betur fer engann tíma þar sem þjálfarinn minn sá ekki einu sinni línuna á brautinni fyrir vatninu, en skemmtileg upplifun þetta samt, var nýbúinn að segja að mér finndist alveg voðalega gamann að hlaupa í rigningu en þetta var svona aðeins of mikið af hinu góða. Ákváðum svo allur æfingahópurinn að kaupa okkur samann miða á EM í sumar og fengum okkur góða ódýra miða á síðasta deginum, sunnudeginum við stangastökkið þar sem Alaji Jeng verður að stökkva stangarstökk þannig að það verður bara stemning í því. Já og svo kemur ábyggilega mótaskráin fyrir sumarið inn á síðuna mína í kvöld, alveg að verða búinn að setja hana samann núna, vantar bara örfá mót til að fylla allar helgarnar í sumar + nokkra virka daga, lýst bara vel á þetta. En fyrsta mótið á föstudaginn, SAYO í stokkhólmi þar sem ég hleyp 400m, fer með liðinu til Norrköping á fimmtudaginn þar sem strákarnir þurfa að "kvala" sig inn á Lag-SM (svipað og bikarinn heima) fyrir sumarið, má því miður ekki vera með þar þar sem ég er Íslendingur og hef ekki búið hérna í 2ár, já og ef ég mætti vera með að þá mætti ég ekki keppa á íslenska meistaramótinu í sumar, hrikaleg leiðindi. Íslenska meistaramótið VS (Sænska liðakeppnin , Sænska meistaramótið, Sænska meistaramótið í boðhlaupum...). Bara spurning um að redda sér tvöföldum ríkisborgararétt og keppa í þessu öllu, held að það sé alveg málið :)

Jæja jæja, amk langt síðann ég hef verið svona þreyttur, en einhvernveginn hefur svefn síðustu 4ra daga farið fjandans til og ég basicly hálfsofandi allann daginn og því málið í kvöld að fara að sofa úbersnemma og sofa út á morgun, en það eru allnokkuðmargar vikur síðan ég gerði það!! Var annars að koma úr prófi núna áðann og ...... jaaaahhhh, viðurkenni alveg að það hefur gengið betur, kæmi mér ekkert á óvart ef þetta dettur vitlausum meginn en held samt í vonina. Næsta próf eftir nákvæmlega viku og ætla ég að taka mér alveg frí frá lærdómi í dag, fer á æfingu eftir klst og ætla svo að taka aðeins til hérna, íbúðin lítur aðeins of mikið prófvikulega út. En Svíþjóð varð heimsmeistari í hockey í gær með B-liðið sitt, en flestar stjörnurnar sem unnu ÓL í vetur eru að spila með liðunum sínum í úrslitakeppninni í USA og því ekki með, ekki slæmt að hafa svona breidd. Fór svo í afmælisveislu á laugardaginn til Dennis sem æfir með mér og horfði þar á Eurovision og söng kareoke, fékk þar enn einu sinni staðfest það sem ég hef alltaf vitað, ég get ekki sungið, en stóð mig reyndar eins og hetja með "Quit playing games with my heart" og náði 85 af 100 mögulegum, en já, önnur lög fóru ekki alveg jafn hátt þrátt fyrir góð tilþrif á köflum. bleeeee hvað þetta er leiðinlegt blogg

Alveg mjög svo sáttur með æfinguna í dag, bæði það að náði henni alveg sæmilega hraðri eins það að þetta var sennilega ein af mínum best hlaupnu æfingum og alveg rétt hlaupið. Á dagskránni var sumsé 2x300m, 2x250m og 2x150m, 300m og 250m átti ég að hlaupa eins og þeir væru í 400m hlaupi og tókst það bara mjög vel, frjáls hvíld á milli sem var svona á milli 10-20mín (20mín á milli 300m sprettanna). 2x300m: 36.2 og 35.9 Mjög létt hlaupið í rauninni og fílingurinn í báðum að maður hefði átt nóg eftir síðustu 100m. 2x250m: 29.7 og 30.5 Fyrsti aðeins of mikill sprettur og seinni svona aðeins of afslappaður. 2x150m tók ég ekki tímann á en voru báðir mjög léttir og hraðir. Þannig að ég er farinn að verða mjög spenntur að fara að keppa eftir viku :)

Svona í ljósi þess að móður minni fannst ég bölva of mikið í síðasta bloggi ákvað ég að taka smá samann hérna þar sem ég var nú bara jákvæður í síðustu grein en tók svo eftir að það var eitt stk "djöhöhöfulli", 2stk "helvíti" og 1stk "fjandans" án þess að hafa pælt nokkuð mikið í því, sem er náttúrlega ekki alveg nógu gott því að þetta er svona líka þegar ég tala, legg alltof mikið áherslu á hluti með því að nota blótsyrði með og held ég hafi basicly alltaf gert það svo lengi sem ég man eftir mér og hefur bara farið versnandi með árunum. Var kallaður "full of shitt" af konunni sem átti mótelið sem við vorum á í æfingabúðum í bandaríkjunum því ég sagði svo mikið "fuck" og "shitt" þegar ég talaði og svo hefur fólk margoft bent mér á hérna út í svíþjóð að ég noti of mikið af "jävla" og "skit" þegar ég tala. En núna verður breyting á og ætla ég að gera mitt besta í að reyna að breyta þessu og sleppa sem mestu blótsyrði þegar ég tala (gangi mér vel) jafn leiðinlegur vani eins og hvað ég tuffa mikið, já ég hræki ekki, ég tuffa alltof mikið án þess að taka sjálfur eftir því... reyni að hætta því líka, batnandi fólki er, jú, víst best að lifa sagði einhver :) En speaking of að gagnrýna mig þegar ég er að tala, er sumsé búinn að gefa öllum sænsku vinum mínum frjálsar hendur með að gagnrýna mig þegar ég tala sænsku vitlaust, þeas ber orð vitlaust fram eða legg áherslur á vitlausum stöðum og hefur basicly ekki staðið á commentunum og er mikið hlegið núna og gert grín að mér (þau þorðu því aldrei áður) þannig að ég er núna kominn í steinharða sænskukennslu við að reyna að læra að tala þetta tungumál rétt, gef mér alveg nokkur ár í viðbót til þess. En svo er ekki nóg með að það sé gert grín að mér með sænskuna heldur er íslenskan í einhverjum smá bakkgír núna undanfarið. Ég hef í rauninni talað alveg rosalega litla Íslensku undanfarið þannig að þau fáu skipti sem það gerist að þá þarf ég alltaf að hugsa áður en ég byrja að tala annars kemur eitt og eitt sænskt orð inn á milli sem ég tek bara ekkert eftir fyrr en fólk byrjar að hlægja að mér. Og enska er bara tungumál sem ég vill helst alls ekki nota í augnablikinu, var alveg ágætur í ensku áður en ég flutti hingað út en því betri sænsku ég kunni því verri varð enskan og þekki ör ör fá hérna sem tala ensku og þjálfast hún því alveg voðalega lítið og er ég farinn að gleyma mörgum skítléttum orðum og blandast allt samann í ensk-sænsku sem gerir mig algjörlega óskiljanlegann. Já, það er ástand á stráknum, en ef við lítum á björtu hliðarnar að þá er síðasti skóladagurinn í dag, próf á mánudaginn og svo aftur viku síðar og þá er komið sumarfrí og keppnistímabil. Alveg að verða komin rétt mynd á mótaskránna og skelli ég henni ábyggilega inn á síðuna núna fljótlega í næstu viku.

Er búinn að sitja hérna heima núna í 2 daga og hlusta basicly ekki á neitt annað en Jason Mraz sem tveir æfingafélagarnir mínir bentu mér á þar sem ég er svona allur á þessari rólegu deild og djöhöhöfulli er hann góður mæli alveg með fólki að tékka á honum, rosalega þægileg tónlist og mæli ég þá með að byrja á lögunum sem eru búin að vera mest föst í spilaranum hjá mér: Love Is Real I'm Yours Life Is Wonderful Tók svo alveg dúndrandi startæfingu í dag, annað skiptið á einu og hálfu ári sem ég tek alvöru startblokkaræfingu og ég er bara að koma sjálfum mér alveg helvíti mikið á óvart og var bara alveg hrikalega hraður helvíti gamann að því, vonandi að það verði sami fílingur á morgun í 2x300m, 2x250m og 2x150m sprettunum. En í kvöld er bara að heja på Sylvíu Nótt, en ef það fer fjandans til að þá hefur maður alltaf Carola hina sænsku sem gott backup :)

Hve svekkjandi ætli það sé að vera búin að vera í landsliðinu í 4x100m í einhvern tíma og stærsta markmiðið sé að keppa með landsliðinu í heimalandinu þetta árið og vera slegin út úr boðhlaupssveitinni af HÁSTÖKKVARA það sumarið?? Emma Green hástökkvari hér í bæ, 3ja á HM í Finnlandi í fyrra var sumsé að hlaupa á 11.47 eða einhverju álíka rugli og hlaupa sig inn í boðhlaupssveitina.

Þá kom að því að Snati varð jarðsettur í ruslageymslunni hérna hjá mér og situr bara mikill söknuður á heimilinu (Arndís, ég bíð ennþá eftir Porsche-inum) og er því planið á næstu dögum að fjárfesta í 2-3 plöntum í staðinn til að reyna að fylla uppí tómarúmið sem hann skildi eftir sig. En bætti mig í Cleani frá mjöðmum mjög óvænt á æfingunni áðann, átti að taka 4x2, byrjaði með 2x70kg, 2x75kg, 2x80kg og 2x85kg sem fór bara alveg nokkuð létt upp, ákvað því að prófa svona enn einu sinni á 90kg sem fóru nokkuð létt upp og var ekkert á því að hætta og reyndi 2x við 95kg sem, já, ég á að taka létt miðað við tilraunirnar í dag og spurning því að negla á smá clean núna síðustu vikuna fyrir keppnistímabilið og ná þessum helvítis 100kg sem stefnan var á!!

Af RAGNARI er þetta að frétta: 5 fótboltaleikir + sprettæfingin á fimmtudaginn komu greinilega í ljós í gær í 2x300m, 2x250m, 2x150m, tímarnir voru útúr kú en náði alveg sæmilegri tækni í svona 3.5 hlaupi og ekki hjálpaði mótvindurinn fyrstu 100m í 300m, en já, ekkert væl er það víst. Var hinsvegar kominn uppí rúm við 9:30 leytið með Bad Boys á skjánum og sofnaði einhverntímann yfir henni þar sem ég var alveg búinn í kroppnum og þurfti að vinna í morgun eins og alla aðra laugardaga í vetur. Plan helgarinnar: Læra, læra, æfa og taka það virkilega rólega þess inn á milli. Af SNATA er þetta að frétta: Ef við setjum ástand hans aðeins á það form sem flestir skilja að þá líki ég því við að vera rúmliggjandi, blindur, heyrna- og mállaus og uppað 99% heiladauður og bíður bara eftir því að slökkt verði á öndunarvélinni sem heldur honum á lífi. Ég trúi samt ennþá á kraftaverk og vill ekki jarða hann alveg strax, vakna á hverjum morgni núna með þá von í hjarta að hann líti betur út en hann gerði kvöldið áður (sem ætti ekki að vera erfitt) en án árangurs. Þannig að ég vill biðja fólk um að bæta nafninu hans "Snati Bonzai" inn í kvöldbænirnar hjá sér. Allar blómaskreytingar, kransar, blómagjafir, Porsche-ar og aðrar gjafir eru vel þegnar, enda Snata alltaf fundist að ég eigi að hafa það gott eftir hans daga! Já og ÓL meistarar Svíþjóð eru komnir í undanúrslit á HM í íshokkí með B-liðið sitt, gamann að því.

Ég þoli hreinlega ekki að kommenta á blog.central.is síðum eftir að þetta helvítis staðfestingarkjaftæði kom upp hjá þeim. Er langt frá því að vera sá duglegasti að commenta á aðrar síður þrátt fyrir mikið bloggsíðuflakk á hverjum degi en þetta dregur nákvæmlega úr allri löngun hjá mér að commenta, ekki nóg með það að það er alveg hundleiðinlegt að þurfa að skrifa inn einhvern staðfestingarkóða heldur virkar hann í svona 20% tilfella hjá mér og ef maður skrifar hann vitlaust að þá eyðist commentið út, eða skrifa hann vitlaust og ekki vitlaust, ég hlýt bara greinilega að vera alveg virkilega blindur, rangeygður, litblindur og veit ekki hvað en ég þarf alltaf fjölmargar tilraunir til að þetta virki, nema hreinlega að þeir gefi upp vitlausann kóða svona reglulega til að fucka illilega upp í fólki, amk mí dón't læk!!

Setti inn áðann nokkrar myndir frá Æfingabúðunum inn í Myndir ekkert margar neitt rosalega góðar enda teknar með símanum mínum og ekkert alltof mikið með hann á mér, en amk byrjunin. Koma svo mun fleiri þegar ég fæ nokkur hundruði mynda frá Rafael sem hann safnaði frá öllum sem voru með digital myndavél með sér. En annars búið að vera nóg að gera hjá mér núna, í gær var skóli til fimm og svo beint í smá sjálfboðarvinnu við Vårruset sem er svona konuhlaup hérna í bænum sem klúbburinn stendur fyrir og stóðum við þar sem brautarverðir og pósuðum eins og vitleysingar á meðann 19þúsund konur hlupu framhjá. Tók svo í morgun 3stk netpróf í Datakom kúrsinum (djöfullinn, er einhver helvítis skítur undir s takkanum á lyklaborðinu hjá mér þannig að það kemur ekki alltaf fram, leiðindi leiðindi, ætti að kenna mér að éta ekki ofanáþví..) já tók 3 netpróf í morgun og kláraði þau öll létt bara, bara eitt eftir núna á föstudaginn og svo lokaprófið í því í næstu viku, fékk svo frábærar fréttir í gær í Algoritmer o Datastrukture kúrsinum því að skilaverkefnið fyrir þessa viku og næstu er ekki skilaverkefni, bara verkefni sem er gott að gera þannig að það léttir alveg helvíti mikið á lærdómnum hjá mér og get því einbeitt mér að stóra skilaverkefninu frá síðustu viku. Þannig að.... klára það vonandi á morgun, Lab á föstudaginn og þá er ég bara kominn á réttann stað með flest allt fyrir utan smá lestur sem ég ætti að ná að fixa um helgina þannig að síðasta vikan fyrir prófin (næsta vika) ætti því að sleppa við allt óþarfa stress og vjézen sem er bara snilld. Og í dag keppti ég í fótbolta með kampusinum mínum á móti öðrum skólum hérna úr bænum og var bara helvíti stuð, teypaði báða fæturna fjandans til áður en við byrjuðum til að sleppa við að snúa mig. Við enduðum í 4ða sæti af einhverjum 15liðum en töpuðum í semi-final og svo um 3ja sætið bæði í vítaspyrnukeppni sem er alveg ömurlegt, en ég skoraði úr báðum mínum og get amk glatt mig við það. Og náði held ég minni lélegustu skotnýtingu í þessum 5 leikjum, um 10 skot, 2 í stöngina, eitt var varið og 7 framhjá eða yfir = EKKERT HELVÍTIS MARK!!! En slapp amk við meiðsli sem er jákvætt, annað skiptið sem ég spilaði fótbolta í 6-7 ár held ég, en liðasport er bara ekki mín grej, eftir að hafa verið núna í frjálsum í cirka 7 ár að þá er liðasport núna dautt dæmi!!

Það er hreinlega ekki slæmt að koma frá frábæru Spánarveðri í næstum jafngott Svíþjóðarveður nema svona uppað vissu leyti... Að hafa ekki verið í skólanum í mánuð, koma heim aftur og liggja því svona pínu mikið á eftir og ætla því að vera alveg úberduglegur að læra, setjast fyrir framan tölvuna, draga gardínurnar frá og og sjá fullt af hálfnöktu fólki liggja fyrir utan að njóta sólarinnar, þannig að lítið annað hægt að gera nema að rífa námsbækurnar út með sér og auka brúnkuna aðeins.. Líka alveg helvíti næs með góða veðrið að þá getur maður étið hádegismatinn sinn úti á trébryggjunni sem er fyrir utann skólann og var alveg góður slatti þar í dag að sleikja sólina á meðan fólk át. En annars bara þokkalega létt æfing í dag, 3x120m og 3x150m með góðum 10mínútna hvíldum og átti að skipta hverjum spretti niður í 3 hluta, þeas byrja hratt og auka 2x á leiðinni. Merkilegt nok fann maður líka fyrir duglegri ferðaþreytu í löppunum og afrekaði að fá næstum sýru í öðrum sprettinum en það reddaðist allt samann og kláraði ég þetta nokkuð áfallalaust. En já... læra

Mikil sorg ríkir á heimilinu núna vegna ástands Snata, Bonzai trésins míns sem berst hetjulega fyrir lífi sínu og getur enginn sagt til um hvort að hann hafi það af og hefur Depill litli sungið sorgarsöngva og farið með bænir inni á baði fyrir Snata. Er mér víst kennt algjörlega um þetta ástand hans og hefur Depill harðneitað að tala við mig síðan ég kom heim en ég gleymdi víst að vökva hann, já eða þá báða áður en ég fór til Spánar og bætti ekki ástandið með því að verða í viku í viðbót en Snati er víst af hálf aumingjalegum ættum og þarf víst mikla ummönnun, og því 2ja vikna einvera uppí glugga inn í stofu með sólina beint á sig á hverjum degi, ekki alveg í uppáhaldi hjá honum. En nánari fréttir af ástandi Snata verður birt með reglulegu millibili út vikuna.

Aaahhhh, kominn heim í "rólegheitin" eftir langt og leiðinlegt ferðalag einn, þar sem ég var ekki í sama flugi og allir hinir útaf breytingunum hjá mér, en jæja já. Hljóp þetta 500m hlaup í gær, eða maxa 400m og svo 100m í viðbót og í stuttu máli, ÖMURLEGT... Held ég hafi bara ekki hlaupið jafn lélegt hlaup lengi, bara lélegur fílingur frá startblokkinni og út í gegn og var eitthvað voðalega þungur, sem er jú kanski ekkert óeðlilegt eftir 2ja vikna æfingabúðir... Eftir að hafa sparkað í flest allt lauslegt, hálf skemmt sólgleraugun og blótað öllu mögulegu var náð sér aðeins niður og tékkað á tímanum sem kom í rauninni pínu á óvart svona miðað við lélegann fíling og bullandi mótvind á milli 50-200m eða 50.53 og svo 100m í viðbót.... sem voru.. .já miðað við fíling fyrri 400m... ekkert svo rosalega hraðir... eða um 20.5sekúndur sem er já.. hægt.. En smá samantekt: * Lít ég krimmalega út?? það hreinlega hlýtur að vera, hef verið stoppaður í tollinum heima á Íslandi í hvert einasta skipti í 4 ár og núna þegar ég kem ekki nálægt Íslandinu að þá fæ ég fíkniefnahundinn á mig á Kastrup og ekki nóg með það heldur í lestinni á leiðinni á milli Danmerkur og Svíþjóðar að þá er ég sá eini í mínum vagni af böns af fólki sem er tekin í gegn af tollinum þar og spurður gjörsamlega spjörunum úr. * Spánverjar kunna ekki að keyra Og það finnast engar umferðareglur þar, amk ekki í þeim bæ sem ég var í, fólk leggur bara út um allt, allstaðar, labbar yfir allstaðar og sá frekasti á réttinn * Handþvottur er verk djöfulsins Það er gjörsamlega mannlega ómögulegt að þvo föt í höndunum, ég hef reynt það, ég er mannlegur, og það var ómögulegt!! Eina sem maður mögulega græddi á þessu var alveg jafn skítug föt, lyktuðu bara aðeins betur, og blöðrur á puttana, minnti mig óþægilega mikið á þvottaferðirnar mínar í USA þar sem... já fötin urðu bara ekki hrein! * Fallegt kvenfólk finnst ekki á Spáni Þurfum ekkert að útskýra þetta betur * Ég get legið helvíti mikið í sólbaði án þess að brenna En jæja jæja, spurning að fara að borga reikninga, kaupa í matinn og þvo þvott, já og LÆRA!!

Aetladi ad vera vodalega duglegur ad blogga thessa vikuna eeennn einhvernveginn hefur sólin thau áhrif ad madur nennir engan veginn ad sitja inni og hanga a netinu eda glápa á imbann allann daginn tannig ad fint ad taka tetta bara nuna a sídasta deginum. Búid ad vera adeins rólegri aefingavika thessi, 6x150m á mánudaginn og var frekar slappur í loppunum eftir 3 gódar hlaupaaefingar a 5 dogum og tvi bara rolegt a tridjudeginum og hvild a midvikudeginum. Fimmtudagurinn fór í stort og annad smádót og í dag, seinasta aefingadeginum tek ég 400m test, teas ad negla á 1stk 400m sprett og svo lifa 100m í vidbot tannig ad thetta verdur 500m samanlagt en byst nu ekki vid neinum rosalegum hrada thessa sidustu 100m ef eg á ad maxa fyrstu 400m, en sjaum nú til med thad. Kiktum nokkrir til Gibraltar á midvikudeginum, frideginum, og var thad alveg helviti skemmtilegt bara, svoan fyrir utan ad keyra vitlaust 4x á fyrstu 10mínutunum ad thá komumst vid nú á leidarenda og var thetta bara mjog flott allt samann, leigdum okkur guide og allez og skodudum hella, apa, saum yfir til afriku og margt meira, algjorlega thess virdi ad sjá + ad vid fengum allir Apa a axlirnar, vid mismikinn fognud... en Helviti fint bara og komum svo vid i Marbeilla held eg ad baerinn heiti, sem er svona Monaco Spanar og thar byr alltof mikid af alltof riku folki med alltofmikla peninga, saum nokkra Ferrari og thessar thviliku snekkjur, en bara gamann ad thvi. En jaeja, spurning ad fara ad pakka og taka tvi rolega thad sem eftir lifir dags, glada solskin uti og halffult ad geta ekki farid meira ut i solina i dag, en ekki alveg thad skynsamlegasta vegna aefingarinnar i dag thannig ad madur laetur thad bara vera, auk thess sem eg held ad eg verdi ekki mikid brunari ;)