Jæja, þá er síðasta mótið búið núna í vetur og öll blessuðu ferðalögin, rólegar helgar heima í Gautaborg... nice!

En já amk, bikarkeppnin innanhús var haldin um helgina, já eða í dag, fékk þann heiður að hlaupa 60m, 200m og 4x400m þar sem að 400m var ekki með og gekk í rauninni bara mjög vel.
Byrjaði daginn á að bæta mig í 60m, átti 7.25 frá því um síðustu helgi en bætti það núna þegar ég hljóp á 7.17s, þannig að störtin í vikunni borguðu sig greinilega aðeins :)

Næst á dagskránni, eða 30mín síðar var 200m þar sem ég fékk að hlaupa á annarri brautinni, fíla bara ekki að hlaupa 200m innanhús og hvað þá svona innarlega en það gekk bara helvíti vel (á beinu köflunum) og bætti mig þar úr 22.49 í 22.34s, kom þriðji í báðum hlaupunum þannig að þetta var bara fínt.

Endaði daginn á því svo að hlaupa 4x400m þar sem við í Norðurlandsliðinu unnum á nýju "íslandsmeti" en þar sem þetta er sameiginlegt lið að þá telst það víst ekki með, en amk gamann að vinna það.

Komum í öðru sæti í kallakeppninni og í fjórða í heildarstigakeppninni, hrikalega jöfn og skemmtileg keppni og fannst þetta sameiginlega lið bara standa sig mjög vel og virkilega gamann að þessu, vona virkilega að þetta haldi áfram svona núna í sumar og þá tökum við þetta!

En Svíþjóðin annars aftur bara núna í fyrramálið (08:00 fer flugið) þannig að... já við sjáumst bara í sumar elskurnar mínar!