Jæja, kominn út aftur eftir bara alveg hið ágæsta gengi um helgina.

Var búinn að skrifa um 400m hlaupið sem ég er alveg gífurlega sáttur með, en hljóp svo einnig 200m á sunnudeginum þar sem ég náði einnig að bæta mig smá.

Á bara helvíti erfitt með að hlaupa 200m innanhús þar sem mér finnst beygjurnar henta mér alveg gífurlega illa, en amk, komu 2 smá bætingar þar.

Byrjaði með riðlunum þar sem ég hljóp á 22.50s og bætti mig úr 22.73s og hljóp svo úrslitin á hinum gífurlega svekkjandi 22.49s sem dugði í 3-4 sætið einungis 1/100s frá öðru sætinu.... svekkelsi það

En núna þá komnar amk 1.22s bæting í 400m og 61/100s bæting í 200m núna í vetur, á eitt 400m hlaup eftir sem er núna um helgina hérna í Gautaborginni og er svo að spá í hvort ég mæti heim á bikarinn þarnæstu helgi, gæti þá hlaupið mitt fyrsta 60m hlaup + 200m, er orðinn jákvæðari á að mæta þangað eftir daginn í dag, ákveð það endanlega núna á næstu dögum.

En þreyttur núna og vel stífur þannig að málið að fara að sofa held ég, góða nótt elskurnar mínar!