Núna þegar flestallir Íslendingar drekka sig blindfulla um þessa verslunarmannarhelgina ákvað ég að hlaupa í þessu eina 400m hlaupi sem ég fann á mótaskránni þessa helgina í Nässjö, sem að ég hafði basicly ekki hugmynd um hvar var, en amk, skellti mér samt þangað. Ekkert gífurlega góðir keppinautar þar, áttu sem best í kringum 50.70, en ég kom samt þangað með það hugarfar að skella mér undir 49sekúndurnar. Mér fannst þetta hlaup alveg skelfilegt, startið mistókst alveg agalega, var orðinn hálfstífur eftir 80m, kom virka þriðji í gegnum 200m, fannst ekkert gerast í beygjunni og rúllaði því bara síðustu 100m, kom fyrstur í mark og bjó mig bara hundfúll undir það að heyra tíma í kringum 50.50s!!! EEENNN, mér til mikillar furðu og undrunar (eftir að hafa bölvað öllu sem finnst á þessari jörðu og tekið mér góðann göngutúr eftir hlaupið) að þá heyrði ég að ég hefði víst verið að bæta mig og tíminn hefði verið 49.04s, þannig að í staðinn fyrir að vera hundfúll með tímann varð ég bara hálfsvekktur við sjálfann mig fyrir að hafa ekki hlaupið almennilega síðustu 10metrana!! Þá bara málið að finna sér fleiri 400m hlaup í ágúst og kveðja 49s á þessu ári!