Veit ekki alveg, en þessi dagur byrjaði ekkert gífurlega vel neitt, jú nema að ég var ferskur í morgun að læra, eeennn svo þarf náttúrlega alltaf eitthvað að koma uppá.

Byrjaði á því í morgun þegar ég var að taka mér til morgunmatinn í að reka mig í boxið sem ég geymi öll hafragrjónin mín í, fyllti á það í gær, þannig að það flaug að sjálfsögðu á gólfið, lokið skaust af og fékk því hafragrjón basicly útum allt. Var ekki að nenna að ryksuga það samt alveg strax upp þannig að ég sópaði þessu samann og skildi eftir þar sem ég var nú að fara að éta morgunmatinn minn. Síðann eins og gengur og gerist gleymdi ég þessu nottla á golfinu.

Þangað til í hádeginu, þá fékk ég þessa snilldarhugmynd að búa mér til grjónagraut, vatn í pott, soðið og grjónunum skellt í, lagði síðann grjónapokann í gluggakistuna hjá mér á meðann ég ætlaði að hræra í pottinum en greynilega ekki alveg nógu vel þar sem hann datt á hliðina og sturtaðist þessi góði slatti af hrísgrjónum niður á golfið og blandaðist bara fínt með hafragrjónunum sem voru þar fyrir.

Var alveg á því að hella bara heitu vatni og smá mjólk yfir þetta og éta bara í hádegismat!

Aðeins seinna um daginn ákvað ég svo að setjast inn í stofu og horfa á smá fótbolta í imbanum, ekkert mikið að segja um þann leik, en þá ákvað ljósaperan í stofunna að springa þannig að það er bara þessi kósý hálfdimm stemning hérna í stofunni, gjörsamlega ómögleg að læra við og hálfónýtt að reyna að halda sér vakandi líka þar sem ég náði að sofna í cirka klukkutíma og er bara ekki að ná að rífa mig upp af rassgatinu til að setjast inn í eldhús að læra.

Eftir 5 daga verð ég staddur á Íslandinu :)

 Stundum er maður bara alveg hálftæpur á því.

Var eitthvað að röfla um fyrir helgina að ég væri búinn að missa af aðeins of mörgum þvottatímum, það er hægt að panta tíma og svoleiðis á netinu og séð pöntunarsöguna sína, hve marga tíma maður hefur pantað, misst af og svoleiðis, tékkaði þar í gær og var ég víst búinn að missa af 6 tímum í röð, og sá síðasti var víst á föstudagskvöldinu en mætti þar alveg gallvaskur niður í þvottastofuna og komst að því, mér til mikillar skelfingar að ég hafði pantað tíma um föstudagskvöldið og sunnudagskvöldið, að ég hélt kl 22-00 á föstudeginum og 18-20 á sunnudeginum, en það var víst öfugt þannig að upp til mín hélt ég aftur í skítugum fötunum og illa lyktandi sokkum.

En eftir hólum og hæðum kemur beina brautin og þegar ég mætti loxins í þvottatímann minn í kvöld að þá mætti ekki sá sem átti tímann á móti mér þannig að allt leystist á endanum og ég náði að troðfylla 4 þvottavélar.
Verður sæmilega hrein næsta vika :)

Síðan var ég að elda í kvöld.... keypti mér þetta fína Tandoori mix fyrir kjúkling og allt fínt með því, nema að ég er nottla vanur að henda bara öllu ofaní pönnu og fixa þetta þar nema þegar ég er búinn að steikja kjúklinginn og setja smá stöff þar ofaní ákveð ég að lesa aftann á kryddpokann þar sem það stendur að þetta eigi að vera í cirka 30-40 mín í ofni til að marineras... fuck that, var svangur og þreyttur og hennti þessu öllu bara ofaní pönnuna, lét það malla þar í smástund og át.....

Ráð frá mér, þetta getur amk ekki bragðast mikið verr í ofni en hálfsteikt á pönnu !!

En Love Actually var annars í imbanum áðann, finnst þessi mynd bara alltaf vera jafn mikið æði og kemur mér alltaf í jólafíling, viðurkennið það strákar, þið fílið hana líka jafn mikið og stelpurnar ;)

eeehhhhh, núna fer að verða smá ástand á heimilinu, búið að vera svona slatti að gera á heimilinu undanfarið og æfingarnar komnar í gang aftur þannig að maður er bara alls ekkert mikið heima, þannig að ég held að ég hafi misst af síðustu þremur þvottatímum sem ég hafði bókað þannig að ég fékk smá sjokk þegar ég leit inn í fataskápinn í morgun....

Ég er kominn alveg á síðustu sokkapörin og brækurnar, en hey, ég er alveg viss um að ósamstæðir og  götóttir sokkar komast fljótlega í tísku, just wait and see