Fyrir Ara ætla ég að reyna að koma með eitt blogg á jákvæðu nótunum, reyni því að gera mitt besta í þessu. Bikarkeppnin í annarri deildinni var sumsé í dag á króknum, hefði alveg getað óskað betra veðurs, hitinn einhverstaðar í kringum 2-3°C og í gegnum mótið var smá slydda og haglél á köflum auk þess sem það hvessti og kólnaði eftir því sem á mótið leið. Við unnum samanlögðu keppnina og verðum því í fyrstu deildinni að ári, hálf svekktur reyndar með að við töpuðum kallakeppninni með einu stigi, en en, ekki breiður mannskapur og vona að það rætist meira úr þessu að ári. En að mér að frétta í dag var að ég hljóp 100m, 400m, 1500m og 4x100m boðhlaupið. Byrjaði á 100m hlaupinu þar sem ég hljóp nú bara alveg helvíti vel, miklu hraðar en ég átti von á miðað við hitastig, 11.15, reyndar með +3.9 í rassgatið, reyndar of mikill meðvindur fyrir minn smekk þar sem að eftir 50m fór að koma smá hælkick í skrefin og þar sem ég var örugglega að vinna þetta hætti ég að hlaupa eftir 90m og rúllaði bara í markið, en alveg mjög afslappað og fínt og vann það. Fékk að vita eftir 100m að ég átti svo líka að hlaupa 1500m þar sem strákurinn sem átti að hlaupa það var hálfslappur, eftir cirka 150m-200m í því var ég að sjá að ég myndi nú ekki meika að hanga í Bjartmari eins og hann var að hlaupa þetta þannig að ég sleppti honum bara og skreið í mark á 5:01 takk fyrir takk !! 40mín síðar var svo 400m, en þá hafði bara farið að hvessa meira = mótvindur á milli 50m-200m þannig að þetta var hálfgert labb fyrstu 220m og svo bara neglt á það eftir það til að vinna þetta örugglega, get lofað því að seinni 200m voru mun hraðari en þeir fyrri enda tíminn ekkert til að hrópa húrra fyrir, 53.66 en vann það mjög örugglega. Síðan í lokin var 4x100m þar sem ég hljóp annann sprett (í helvítis mótvindinum) og töpuðum við því rétt á marklínunni. En unnum amk samanlögðu keppnina og var það nottla það sem skipti aðalmáli í þessu, kominn suður aftur og flug kl. 07.15 í fyrramálið..... þessar stuttu ferðir eru bara æði :)