Ekki varð mikið úr þessari fyrri færslunni minni þar sem ég var alveg ómögulega að nenna að blogga um helgina. En hljóp sumsé 400m aukahlaup á laugardeginum, áttum að vera fjórir strákar í þessu hlaupi en þegar í Call roomið var komið kom bara í ljós að við vorum bara 2 sem ætluðum að hlaupa, ég og einn Andorra strákur sem hafði hlaupið á 52.5 sem best þannig að ég verð nú að viðurkenna að ég hef sjaldann átt jafn erfitt með að peppa mig upp fyrir eitthvað hlaup eins og þetta hlaup þar sem ég var á brautinni utaná honum og vissi að þetta yrði bara algjört sóló hlaup. Þannig að þá var bara að nýta þetta hlaup til að prufa sig aðeins áfram í þessari blessuðu grein og taka rólega fyrstu 200m, en hef alltaf átt í hálfgerðu basli með að hlaupa þá nógu hægt til að lifa af síðustu 200m. Þetta tókst nú bara alveg ágætlega, heyrði einhver splitt uppá 23.7 á 200m og 36.1 á 300m, en hefði alveg þegið einhvern þarna við hliðina á mér síðustu 100m, en rúllaði þetta hlaup frekar létt og þægilega og niðurstaðan P.B. 49.45s og veit alveg að ég á nóg inni þannig að meiri bætinar eru að vænta í sumar, ætti að fá góða keppni á heimsleikunum sem eru hérna næstu helgi! Hljóp svo líka í 4x400m boðhlaupinu í gær og fékk annann sprettinn, enduðum í 7sæti í því og áttum ekki séns að vera neitt þar ofar, langt í næstu lið en fannst ég hlaupa þetta bara alveg ágætlega og svipaður fílingur og í 400m hlaupinu daginn áður, þeas, sæmilega þægilegt rúll bara, heyrði einhver 2 splitt á mér, 48.9 og 49.0 þannig að bara sæmilega sáttur með það. Dönsku starfsmennirnir voru ekki alveg að gera sig í þessum 4x400m boðhlaupum, eitt kvikindi labbaði fyrir Stefaníu í kvennaboðhlaupinu og er þessi hérna maður auglýstur af mér fyrir að hafa labbað fyrir mig þannig að ég hljóp á öxlina á honum eftir einhverja 20m! En við karlarnir enduðum í 7sæti samanlagt sem er nú bara ekkert til að hrópa neitt húrra fyrir en getum vonandi gert betur að ári

Jæja, þá er maður staddur í danaveldinu með landsliðinu á Evrópubikarnum þar sem ég á að hlaupa í 4x400m boðhlaupinu á morgun, fékk reyndar þau gleðitíðindi að það var lagt til 400m aukahlaup einhverntímann uppúr 5 í dag og fæ ég að vera með í því. Meiri fréttir því seinni partinn ídag

Jæja jæja, þá er maður loxins búinn að keppa á fyrsta mótinu í sumar en það var á FGP niðri í karlskrona í gærkvöldi. Það eru til 2 leiðir til að hlaupa 400m, önnur er rétt og hin er vitlaus, og þar sem þetta var nú fyrsta mót að þá er að sjálfsögðu engin ástæða til að hlaupa þetta eitthvað of rétt og létt enda fílingurinn alveg hrikalega góður í upphituninni. Vorum þrír í riðlinum og ég á 5tu brautinni og planið jú, splitta á cirka 23s og 35.5 á 200/300m. Það fór jú allt fjandans til og fór ég í gegnum 200m á 22.45 og 300m á cirka 34.8 ooog já, síðan gerðist ekkert mikið meira þessa síðustu 100m og kom inn á tímanum 49.86 sem er jú mitt besta fyrsta mót á tímabili og annað hraðasta sem ég hef hlaupið þessa blessuðu vegalengd. En með að hlaupa þetta rétt svona nokkrum sinnum ætti maður alveg að geta slípað cirka 1s af þessum tíma og þá getum við farið að tala samann! Næsta mót, 4x400m á Evrópubikarnum í dk

ekki mikið bloggað hér síðustu daga nema eitthvað frjálsíþróttadót, enda lítið hægt að blogga þegar maður gerir lítið annað en að æfa og koma lokaverkefninu í tipp topp fyrir morgundaginn og þá er það bara sumar og sól. En fékk annars lokastaðfestingu í dag að maður er ready fyrir mótið á mánudaginn, 2x300m með 10mín hvíld á keppnishraða, planið að hlaupa á 23.1 í gegnum 200m og 35.5 á 300m. tíminn var tekinn með einhverju svona rafmagnsdóti og voru þeir: 23.07 - 35.50 - alveg ofboðslega létt og bara vel hlaupið, ekki vottur af mjólkursýru. 22.9 - 35.85 - ætlaði mér aðeins of mikið og alltof stífur fyristu 200m, but but, fyrsti fínn þannig að maður bara sáttur. Í sól og sumaryl.....