Djöfulli sem það er gott að vera kominn í frí frá skólanum, hálf óvenjulegt í rauninni að geta bara setið heima, slappað af og ekki þurft að pæla í hvernig maður leysir öll þessi hópverkefni eins og hver mínúta hefur verið síðustu mánuðina.

En orðum þetta svona... Ég rústaði amk prófinu í gær !

Og svo yfir í góðu fréttirnar, gat hlaupið á 400m keppnishraða á æfingunni á fimmtudaginn þannig að hamurinn heldur = byrja að keppa núna á þriðjudaginn í Malmö, föstudaginn í Stockholm og mögulega skokka 200m á sunnudeginum hérna í Gautaborginni.

Gífurleg gleði og hamingja þetta allt samann, ekki skemmir heldur þetta veður sem er búið að vera hérna og á að vera hérna áfram, rúmlega 20°C og gæti farið uppí 30°C á morgun, sól og sæmilegt logn = drauma æfingaveður.

En farinn að taka mig til fyrir lyftingaræfingu dagsins !

Djöf, verð að fresta eitthvað aðeins fyrsta mótinu á tímabilinu. Reyndi sumsé að hlaupa í gær en hamurinn leyfði mér ekki ennþá að komast uppá 100% hraða og því engin tilgangur í að reyna það á mótinu á morgun.

En mér til mikillar gleði að þá er ég skráður í FGP mótið í Malmö á þriðjudaginn næsta og ÆTLA ég að vera kominn í tipp topp fyrir það, verður bara einn riðill þar og er ég skráður með... jú lélegasta tímann í riðlinum sem lítur svona skemmtilega út: 

MS 400 m

Bara stemning að fá að hlaupa með þarna og gott tækifæri til að bæta sig og vonandi hlaupa sig inn í landsliðið fyrir Evrópubikarinn.

Var sumsé helvíti svekktur með að ná ekki að hlaupa almennilega í gær þannig að ég negldi á almennilega lyftingar og hoppæfingu í dag + helling af hlaupum á aðeins lægri hraða. Er ekki alveg að fatta hvað þetta er í hamnum EN það virðist sem það verði ekki verra af því að hlaupa þannig að ég testaði í dag að fara uppá 100% hraða í venjulegum skóm eftir helling af lyftingum og hoppum og jú ég finn fyrir þessu en það verður ekki verra eða neitt þannig að held að stefnan sé að negla á þetta almennilega á fimmtudaginn í göddum og.... já sjá hvað gerist :)

Var annars í munnlegu prófi í Artificial Intelligence áfanganum í dag með hópnum mínum og gekk þetta bara alveg ljómandi vel, bara núna próf eftir í hinum áfanganum á föstudaginn og þá er þetta búið :)

SM í boðhlaupum var núna um helgina hérna í Gautaborginni, helsta af mínum æfingafélögum að frétta að stelpurnar unnu 4x100m kvenna, 4/5 strákunum í 4x100m tókst að meiðast rétt fyrir mót/í undanúrslitunum/úrslitunum, merkilegt afrek það já og stelpurnar komu urðu í þriðja sæti í 4x400m.

En mynd helgarinnar er mynd af Emelie koma í mark í 4x100m sem þær rétt unnu og hún felldi sig amk mjög vel yfir marklínuna, endaði með góðum kollhnís en góð markmynd :

Já maður hefur amk ekki beint verið virkasti bloggari heimsins núna síðustu daga, en aldrei að vita nema það batni núna á næstunni, en bara verið mikið að gera í skólanum, smá vjézen með haminn þannig að það hefur bara ekki verið neitt að skrifa um í rauninni..

En hef reyndar verið alveg fastur fyrir framann sjónvarpið að horfa á HM í íshokkí, því miður vantar svona cirka 20bestu svíjana í liðið en þeir hafa samt náð að spila alveg helvíti vel en voru slegnir út af Kanada í undanúrslitunum í gær, 4-5 og munu spila á móti Finnum um bronsið á morgun held ég.

Samt langt skemmtilegasti leikurinn var á móti Rússum um síðustu helgi sem tapaðist 2-3, en var mikið um slagsmál og svoleiðis í honum sem er náttúrlega bara gamann að horfa á, eins og kom í ljós þegar Douglas Mourray var valinn maður leiksins í þeim leik, þrátt fyrir að hafa bara spilað fyrstu 2mínúturnar af honum og var þá rekinn útaf fyrir þessa skemmtilegu tæklingu:

En mun annars eyða öllum deginum standandi úti að deila út blautum svömpum til 45.000 hlaupara sem hlaupa GöteborgsVarvet í dag sem er þarmeð næststærsta hálfmaraþon í heiminum held ég örugglega, gífurleg stemning það

Virðist sem að hægri hamurinn á mér og maí mánuður eigi eitthvað voðalega erfitt með að vinna samann en í fyrra fékk ég einhvern krampa/létta tognun og eftir æfinguna í gær er sami hamurinn eitthvað vel tæpur þannig að ég efa ég hlaupi eitthvað meira þessa vikuna :(

En hljóp annars ágætlega á laugardaginn síðasta, 1x450m og 1x200m og eru þessir lengri sprettir svona aðeins að koma til núna, 450m á 56.2 (22.7 - 35.2 - 49.1 ) og svo 200m á 22.0 þannig að þetta er jú allt að koma til, bara hlaupa betur á milli 200m og 300m og þá er þetta í góðu standi.

í gær voru áttu það svo að vera 5x150m, hljóp bara 3stk þar sem ég fann smá fyrir hamnum eftir þann þriðja. hljóp þetta allt í fínum meðvindi þannig að tímarnir voru jú eftir því, 15.7 - 16.0 - 15.7 eða smá svona overspeed þannig að kenni að sjálfsögðu meðvindinum um þetta allt samann....

En annars bara allt gott að frétta, sit núna og hlusta á nokkra leiðinlega fyrirlestra í skólanum, verð kominn í sumarfrí eftir akkúrrat 2 vikur, fyrsta mót eftir 15 daga, það er farið að kólna smá úti núna (hitinn farinn undir 20°C) og já.... later folks